Author notes

Dat olle "Katt rin, Katt rut"-Speel

PaulEberhardt

on Dec. 9, 2009

Ick glööv dat weer wol klaar ween, dat dat nu passeert. In de tokamen paar Weeken ward ick wol bloots jümmers de sölven twee Sieten hoogladen; dat spaart Masse Arbeet un DrunkDuck sin Pries för hunnert Sieten is denn ok nich mehr so wiet wech.

Ollreit, ick vertell jo bloots dumm' Tüüg. ;-D

Nu aber mal eene eernsthafte Saak:

Ick heff just gistern in'n Kiekkasten 'nen Bericht över'n Unfall bi Hagenbeck sehn. Dor is so'n Domptöör bloots eenmal över sine Fööt stolpert, un foorts sünd sine Tigers op em losgangen. De wullt ok nich bloots speelen, de wullt em redig um de Eck bringen, un dat hefft se binah ok henkregen. Düsse Tigers hefft namlich de Snuut vull harrn vun eern tweebeenschen Alpha-Deer, de jümmers wull dat se jichenseen Blöödsinn vör jichtenswelken Frömmen maken, de ok no afsünnerlich röken. So inne Aart hett dat een vun eere Plegers seggt. Soveel as ick weet is de Domptöör wol nich mehr in Levensgefahr, aver eene vun sine Hände mutt amputeert warden.
Wegen düsse Geschicht wull ick jo no mal dor an denken helpen, dat echte Tiger böös gefährliche Beester sünd. Paß dor bloots eenen Moment nich op, un du sittst glieks in'n Schiet, aber so redig! Wat Gundula in düssen Comic maakt, dat kann man bloots… nu ja, Gundula. Wat se dor maakt, kann bloots eene Wickersche, de 700+ Johr oll is un ok al de Hexenverfolgung, de Pest un över een Dutzen Kreege överleevt hett. Oder so'n buddhistischen Mönk ut Thailand. Aber elkeen anners, de allens dran beholen wull, schull better'n Bogen üm groote Katten maken oder dor tominnst'n ornlichen Tuun tweschen hebben.

So. Deit mi ok leed, dat ick nu so veel schrieven heff, aber anners kunn ick wol keen een mehr redig ankieken.