Author notes

Dööntjes vun Gundula IV - Gundi un de Technik

PaulEberhardt

on July 2, 2010

Ick quääl mi dor mol wedder üm dat dat Bild 'n beten groot worrn is (750 Kilobyte) aber ick weet ok nich wo ick dor twee Halven vun maken kunn.

ed.: Ick muss dat veer mol versöken bet dat Bild boben weer, un de ä ö un ü kennt dat neie Ding ok nich mehr - aber wenn ick op edit klicke, denn geit't.

Över de Siet:

- Dat is nich mine Wahnung, süht dor aber bannig na ut.

- Findt de Muus! Jichenswo op düsse Siet schuult sik 'ne lütte Muus. De is man nich liecht to sehn, aber ick kann jo verspreken, dor is ene. :-)
Tips: 1. Dat is keene Muus för'n Computer sünner 'ne lebennige. 2. Kann angahn dat de Tiger woll weet wo se is, bloots dat se nich to sine Bütedeerten höört.

De Leeders ut'n Radio sünd vun ene bannig goote Rock-Kapell mit de Naam Tygers of Pan Tang. Ick heff mi mol ene olle Schallplatt vun denen kööpt, wiel 1. se billig weer, 2. wiel dor Heavy Metal an stunn, un dat mach ick un 3. un an'n wichtigsten wiel op de Hüll'n Tiger malt is. As ick se mi denn ok anhöört heff, bün ick glieks'n Fan worrn, und dorüm is dat nich de eerste un nich de letzte Anspeelung op ehre Leeders in düssen Comic.

Gundula ehr Klingeltoon is aber wat anneres, namlich Donovans "Season of the Witch" (De Hex ehre Johrestied) - dat is ehre plietsche Aart vun Humoor.