Author notes

Döntjes V - De Föhrerschien (3/3)

PaulEberhardt

on Oct. 14, 2010

Heff ik letzt Week seggt, dat ik düss Mal wenig Text op de Siet packen wull? Ik heff't nich henkregen! *Kloppt sin Kopp gegen de Wand, bet de Betong Reten kricht*
Jobst snackt woraftig 'n beten geel. Ik harr nich so veel Bispeelen vun Oostprüsschen Platt hatt, so dat ik 'n beten improviseeren muss.

Nu aber'n ganz annern Snack:
GUNDULA UN DE STUVENTIGER ward een Johr olt!!

Wiel de neien Sieten toeerst jeden Dönnerdag kemen is düss Comic nu op den Dag een Johr olt. In düsse Tied heff ik mi jümmers an min Plaan holen un dat gifft dat man nich faken bi Billergeschichten in'n Internett. Wo ik dat henkregen heff, weet ik aber ok nich. Üm dat ornlich to fiern, heff ik mi'n besünnern Speel utdacht:

Ji könnt een Gundula un de Stuventiger-Achtergrund för'n Rekner winnen.
Un de is sogor kumplett in Farv! Hier is'n lütten Utsnitt:

Jou. Dat is ok dat lütte Bild, mit den min Comic in dat Söökding vun de besapen Aant is.

Wenn ji dat hebben wullt, denn schickt mi de Antwoort op düsse Fraag inne PQ oder an gundi.tiger@web.de :

An'n Anfang vun düsse Geschicht tööv ik an een Straat in Bremen, de nach een Politiker heet (ik segg dor ok nich, wokeen dat is).
Wokeen is dat woll?

Ik geev jo söven Tipps:

1. He is lang doot.
2. He harr an'n sölven Dag Geboortsdag as ik, also an'n eersten April.
3. As Student in Göttingen hett he dat so doll drieven, dat he ut de Stadt flagen is, so dat he jeden Dag 'ne Stunn rieten muss, üm na de Uni to kamen. Jichenswann is em dat to dösig worrn un denn hett he in Berlin fardig studeert.
4. He kunn gnadenlos ween, wenn he sine Politik dörsetten wull, ok Kreeg funn he alright.
5. Aber he weer ok beropen as'n bannig gooten Diplomat - egens kunn he dat woll an'n besten.
6. Butendem hett he dat eerste System vun Sozialversekern in Düütschland inföhrt.
7. Min leevstes Zitat vun em is: "Je weniger die Leute davon wissen, wie Würste und Gesetze gemacht werden, desto besser schlafen sie."

Tokamen Week segg ik, wokeen dat weer, aber ji kriggt 'ne twete Chance, wiel dat denn dat Söökbild gifft, dat ik egens vundag hoogladen wull.
Wichtich: wenn ji 'ne anner Grött as 1024x768 wullt, denn schrievt dat ünner jon Anwoort. Ik heff allens, egaal wo groot.