Author notes

Snee un Grog

PaulEberhardt

on Dec. 16, 2010

Tigers leevt Snee, aber ji weet ja wo dat is in Bremen. Dorüm bruukt us Tiger'n beten, bet he sik wedder op sin sibeerschen Afstammen besinnen deit.

Düss Johr sneet dat man bannig veel, ne? Un ik teek denn jümmers noch Gundi in'n T-Shirt! Dorüm heff ik mi dacht, maak ik dat nu mol'n beten anners. Tokamen Week gifft dat denn'n Wiehnachts-Teken un wat'n Tiger so in'n Goorn full Snee maakt.
Un dat ji ok in de Stimmung kaamt, in de ik just bün, is hier dat beste Tiger-Video, dat dat gifft.

Dat Grogrezept is dor, wiel bi mi in Göttingen keen een wuss, wat dat is. Heff ik em denn eerst mol bibracht. Kunn ik ja gor nich glöven, kunn ik dat nich! Ik frei mi al wenn ik wedder na Hus föhrn kann… Na denn man Prost!