Author notes

FROHE WIEHNACHTEN!

PaulEberhardt

on Dec. 23, 2010

Sünnerklaas, de grote Mann
Kloppt an alle Dören an
Gode Kinner gifft he wat
Böse Tigers stickt he in'n Sack…

Ik heff al as'n lütten Pööks wusst, dat de Wiehnachtsmann mit'n törkschen Akzent snackt. (Heff eerst achterna markt, wo gediegen dat denn op Platt ward!) Wo dat kummt? Na, de hillige St. Niklaas weer doch egens de Bischop vun so'n Kaff in Antalya ween, un dat is nu mol inne Törkie. Min egen Verschoon vun'n Niklaas passt ok goot na Bremen, finn ik.
Wenn ik dat richtig makt heff, denn heet "Aslanım benim" woll "min Leev" oder so, aber wörtlich heet dat ok "min Lööv" (kanns mol sehn: dat Wöörspeel geit ok op Platt) - dor muss ik doch wat ut maken, oder nich?! "Hadi!" heet sowat as "Kumm inne Puschen!" Wenn ik nu Schiet vertellt heff, denn seggt mi dat. Kann aber nich ganz un gar för'n Mors ween; ik heff dat ut so'n Info-Ding för Schoolmesters.

Weent jo man nich so an de Farven. Dat is man'n besünnern Dag;jümmers krigg ik dat vunwegen de Tied nich hen.

Wat den Katteker angeit, dor is mi ja'n beten bang üm. Wenn so'n Muschepund eersmol denkt, dat he'n schöön Speeltüüg funnen hett, denn kann he ja sowat vun flink warden… Us Katten hefft düsse fixen Beester kregen, as se jung weern. Ik haap ja, dat he em nich kriggt. Ik mach Kattekers egens lieden - ok wenn se in'n Fröhjahr ut de Vagelnesters klaut.

Och so, un dat letzte Bild is inspireert vun'n Teken, dat ik bi'n Chinesen sehn heff. Ik weet gor nich wo goot Tigers kladdern könnt, aber ik bün mi meist seker, dat de dat sogor bannig goot könnt.