Author notes

Blots fief Minuten buten un glieks so schedderig!

PaulEberhardt

on Feb. 3, 2011

'Keen duch sik, dat he binnen nix mit'n Katteker maakt? Aber dat is faken so, dat Katten sik binnen nich mehr üm de Büten scheert, de se just rinbracht hebbt. Un dorüm röökt dat mannichmal 'n beten streng ünnern Bett, wenn du so'n Stuventiger hest.

De Tiger weet ok, wokeen de Baas in Gundi ehrn Hus is. Dat hefft se al ünner sik kloor maakt. He süht, dat de Katteker nu ehr oder Krischans Speeltüüg is, un wiel he ehr kennt wull he dat nu ok nich wedder hebben.

Butendem gifft't dat faken inne Natur, dat sik Röver un Büüt verdregen wenn se in'n sölven Bau wahnt. Bi Voss un Karnickel gifft't dat mannichmal - blots wenn se'n paar Meter vun'n Bau wech sünd, mutt sik de Karnickel böös vörsehn. Bi us Jägers heet dat "Borgfreden".
Na goot, 'n Tiger wahnt nich in'n Bau, aber mannichmal wull uns Katt so gau nix mehr vun ehr Muus weten wenn se se rinsleppt hett, dat ik glööv, dat se dat mit'n Borgfreden ok kennt.