Author notes

FROHE WIEHNACHTEN!

PaulEberhardt

on Dec. 23, 2011

Mann oh Mann! Ik krigg noch'n Dalschlag, vundag. Erst geit mien Scanner in'n Dutt, so dat ik'n neien finnen muss, de mit mien ollen Computer ok funkschoneert (un ik bün noch nich ganz tofre'en mit wat de mit mien Farven maakt, aber dat krigg ik jichenswann hen), denn wull mien Spöölmaschien ok nich mehr, so dat ik in mien Bood Landunner harr. Schiet! Klaar, dat dat allens an Wiehnachten passeeren mutt, wenn keen een keen Tiet för nix hett.
Na goot. Aber so un so gifft dat woll neien Bild an Silvester, un denn haap ik man dat allens woller normal lööpt.
Ik heff ok'n neien Bild bi Topwebcomics (de bloe Knopp links) hoogladen.
Denn mal frohe Wiehnacht, un kiekt mal woller rin!


Ach so, un ik wull ok nich vergeten, dat ik jo wat över 'ne internatschonaale Unnerschriftenakschoon vertellen wull. Dat is namlich so, dat de Amis sik so'n neien Gesetz utdacht hebben, dat Firmen ahn to fragen Websites löschen könnt, de em nich in'n Kraam passt. Un as dat jümmers mit düsse Gesetze is, kann dat angahn, dat wi in Europa dat noch namaakt. Op jeden Fall is dat nix as Zensur, un dat kann ik nich hebben. Dat is namlich so: wenn wi so'n Gesetz harrn, denn kunn, to'n Bispeel, Getränke Ahlers eenfach so mien Comic dichtmaken, wenn se sik op'n Steert pett föhlen, dat Gundi, Krischan & Co. jümmers Gröpelinger supen, ahn dat de vörher klagen müsst. Nich, dat de dat doon - ik bün'n veel to goten Kunden ;). Aber dat geit doch nich, ne? Also, wenn ji noch nich hebbt, denn maakt man mit, so as'n goote Tat för Wiehnachten: dat gifft't ok allens op Düütsch