Author notes

Ik bruuk keen Sauna...

PaulEberhardt

on March 2, 2012

Freedag un'n neie Siet! Ik glööv dat mutt ik rot in mien Kalender markeern!

So'n beten is dat hier woll mien "Finnische" Siet worrn. Ik weet ok nich, worüm, de hett sik just so entwickelt. Siet vergahn Harvst heff ik versöökt mi'n beten Finnisch bitobringen. Hett aber nich klappt, ik heff dor keen Tied för, un dat is bannig, bannig swoor. Aber för dat Graffiti in de Sauna, de sik Gundi vörstellt, hett't langt (mit'n beten Hölp ut'n Internet). 'Keen weet, wat dat heet?? xD

Hier is'n Link to dat Leed vun Gundi ehrn Klingelton. Ik funn, dat dat goot passt - ("Du büst'n Engel un'n Wickersch all tohopen"), un "Sworen Metall" ut de Achtigers is ok so jümmers goot.

Wenn de dat mit ACTA dör kregen, dröv Gundi ehr Ackersnacker aber woll blots noch so'n langwieligen elektronischen Gedüdel maken. Ik finn dat schaad. Just in düsse Daag is de ganze Schiet vör'n Europäschen Gerichtshoff, un ik haap man dat de dor keen Mist baut. Dat kann een den ok seggen, dat de dat ja ornlich maken schulln. Ik duch mi, ik maak hier mal den Link hen. Schaden kann't ja nich.

Un nu noch'n ganz annern Snack: Ik hebb bi so'n engelschen Comicprojekt mit maakt. In'n Kommentar för de engelsche Verschoon hebb ik dor'n beten wat to schreven.

Na, denn… Kiekt mal woller rin!