Author notes

Na, wat löpt denn vundag?

PaulEberhardt

on Oct. 23, 2012

[p]WICHTIGE NARICHT: Vun nu an kummt de neie Siet jümmers an'n Middeweek![/p]
[p]Butter bi de Fisch: dat hett ja nienich so richtig henhaut mit Sünnavend. Mit Middeweek geit dat woll better. Butendem mutt ik jümmers na de Uni, wenn ik'n Siet hoogladen will, un dat lett nich so, as wenn dat nochmal anners ward. So hebb ik denn een Weg weniger - aber nur, wenn ik allens op Tied fardig hebb! Dorüm glööv ik ok, dat dat nu better ward.[/p]
[p]Anners harr ik jo dat woll ok fröher vertellt, aber ik wuss dat eerst vundag, wann ik dat will. Deit mi ok Leed, dorüm gifft dat düsse Week nochmal wat "in Farve un bunt". Sophies Praktikum geit denn tokamen Week wieter - just as Gundi hett de ja ok jichenswann mal Fieravend. (Fröher is se ja to'n Fieravend geern bi ehr ween, aber nu muss se woll jümmers Holt in'n Kachelofen smieten, wenn se dor weer ;) )[/p]
[p]UN NOCH WAT: Gundula un de Stuventiger is nu al dree Johr olt![/p]
[p]Hebb ik binah nich mitkrägen, so gau güng dat! Jungedi![/p]
[p]De Idee för de Siet harr ik, as ik annerdags wohrafig do'n Film över Lachse in Alaska sehn hebb. As ik de Boren seh, wo se de Lachs mit'n Muul fangt, duch ik mi, dat ik dat ok mit Tiger maken kunn. Denn is mi infalln, dat ik dat al'n paar Mal doon hebb. Also nich Fisch mit mien Snuut fangen, blots Tiger teken wo he dat deit. Denn duch ik an mien Katt. De kiekt ok jümmers in'n Kiekkasten. Dat mach se sünnerlich liern, wenn dor to'n Bispeel so'n lütten Vagel in is. Dat gifft so Klooksnacker de seggt, dat Katten dat nich könnt, oder dat de dat Geflimmer nich kapeert. Dorto segg ik blots: dumm Tüüg![/p]
[p]Nu hebb ik noog snackt! Kiekt mal woller rin![/p]