Author notes

Dat "Dream-Team" bi'n Schaap tellen

PaulEberhardt

on April 6, 2013

[p]Moin Lüe! Ik bün noch dor, ik hebb blots woller veel to lang to'n teken bruukt.[/p]
[p]Ik wull ja noch wat to Ostern teken, aber denn hebb ik markt, dat ik dat vör Dingsdag nich mal harr anfangen könnt. Denn duch mi, dat ik düt lütte Bild woll noch bitieden fardig krigg, aber dat weer woll woller nix, denn ik hebb blots rutfunnen, dat ik nich goot Schaap teken kann. Ik duch denn, ik kiek mi mal'n paar echte Schaap an - ik kenn ja'n paar Lüe, de welke hebbt. Dor hebb ik aber blots sehn (wat ik egens ok wuss), dat de lang nich so nüüdlich un fluffich sünd, as de Sort, de ik bruuk. Aber Hunger kregen hebb ik binah - Schaap sünd ja so'n dösigen Veehtüüg, un wo de een ankickt mit düsse waagerechten Pupillen… dat deit mi man gor nich leed, wenn ik sowat eet. Wat goot weer, wiel denn mutt een dat ok nich leed doon, wenn Tiger sowat drömt, wat he drömt. Op jeden Fall hebb ik mi denn al so veel Möh geven, dor wull ik dat nu fardig teken, Schaap un allens![/p]
[p]Allens, wat mi leed deit, is dat dat Bild erst vundag fardig worrn is. Ik glööv ok nich, dat ik de tokamen Siet op Tied kaamt, aber ik fang dor vundag noch mit an. Wi wullt ja all weten, wat nu mit Fru Professer ehrn Macker is, ne? Un wenn dat fardig is, gifft dat woller mehr wat mit Tiger in Akschoon. Ideen hebb ik al.[/p]
[p]Kiekt mal woller rin![/p]