Author notes

Wat tahm maakt, deit ok weh...

PaulEberhardt

on July 25, 2013

[p]Moin Lüe![/p]
[p]Nu hebb ik dat bilütten mal fardig tekent. Deit mi leed, dat ik so lang nich dor weer. Ik harr mi vör twee Weken bi'n Sport wat anne Hand doon, aber so oder so harr ik woll lang bruukt. Dat is jümmers so hitt, dor kaam ik gor nich richtig inne Hoven.[/p]
[p]Hoven! Mit den Thema Hoven sünd wi ok al bi de Siet; Tiger un Acheron lehrt vundag, dat du better maakst, wat dien Minschen so seggt, egal wo afsünnerlich di dat villicht vörkaamt. ;)[/p]
[p]Ik mutt noch seggen, dat Fidi weet, wat he seggt. Mehr as he dinkt. Wat Gundula hier maakt, dä ik nienich sölbens versöken. Dat kann wohraftig blots'n Wickersch! Wenn ji bi den tweten Bild goot henkiekt, könnt ji sehn, dat Gundi dat Reep nich festholt. Se kann bannig fix reagiern, un dat mutt se dor ok för. 'N goot Fründin vun mi hett dat woll ok mal versöökt: ehr Macker wull'n Peerd op'n Anhänger kregen, un he sä ehr, dat se dat Reep blots nich loslaten schull, egalwech wat passeert. Hett se ok nich. Dat Peerd geit hoog, just as Acheron, un dat Reep ritt ehr kumplett de innensieten vun ehr Hannen wech. Dat hett Weken un Weken duert, bet se woller wat griepen kunn. Dorüm is düsse Siet ehr ok widmet (weet blots nich, of se dat ok leest; se kann man keen Platt, aber ik segg ehr dat). Villicht harr ik dat ok gor nich tekent, wenn ik denn nich stante pe dat "Klompf!"-Bild (un anner) teken wull.[/p]
[p]Na goot. Bet tokamen Siet! Ik haap mal, dat ik se bet Sünnavend tokamen Week fardig krigg. Wenn nich, denn bet se fardig is. :/[/p]
[p]Kiekt mal woller rin![/p]