Author notes

Een Waterslang!

PaulEberhardt

on July 29, 2014

Dat is de eerste Siet, de ik in England tekent hebb. Mi duch, wenn ik al in'n Land bün, dat för sien Gorrns beropen is, denn kann ik dat ok as'n Inspiratschoon nähmen. :)
Dank ok an de Bökeree in Gloucester, dat de'n Scänner hebbt, de'n nahmen kann. De is'n ol' Schietding, is de, aber scännen deit he doch. Wenn ik mal Comicböker mit Gundi un Tiger maak, will ik jem woll een oder twee spenden.
As ik mi dor anmellt hebb, weer ik ganz baff, dat de Fru an'n Kontor mien Naam utspreken kunn. Wi hebbt noch'n ganzen Stoot Engelsch snackt, bet denn rutkeem, dat se ok ut Dütschland keem. Ischa'n Ding!
Ik mutt woll ok den mien Dank seggen, de dat Programm mit den Naam "Recuva" schrieven hett. Dat kann Dateien wollerkregen, de'n ut Versehn löscht hett. Denn dat weer so: de ol' Computer inne Bibliothek wull nich mien USB-Stick woller rutgeven, un denn hebb ik em just ruttogen. Mi ducht, dat dat nix macht, aber düt Mal sä mien egen Computer to Hus denn, dat de Stick in Dutt weer un formatiert warden mutt. Dat hebb ik denn maakt un bannig schimpt, aber denn hebb ik mal Recuva probeert, un - kick an! - dor weern mien Biller doch noch to redden!
Nu drink ik dor erstmal'n Beer op. Ik mach dat engelsche Beer woll, ik weet gor nich, worüm de anner Lüe vun'n Kontinent sik jümmers so anstellen deit,
Kiekt mal woller rin!