Author notes

Markst Müüs, Gundi?

PaulEberhardt

on Aug. 13, 2014

Kiek an! Uns Tiger fallt doch jümmers wat in, wenn he Smacht hett! :)
Wat'n op düsse (un de tokamen) Siet süht, lett villicht erst nich so nei, aber dat ward noch. Dat mutt ween, dat de Geschicht, de hier losgeit ok richtig funkschoneert.
As ik den Countdown maken wull, weern dat toerst woll düsse Teken, de ik in'n Sinn harr, aber de weern noch nich fardig, un ik wull jo nich noch langer töven laten. Kann'n jümmers noch bruken, duch ik mi, un nu do ik dat ok. Ji ward aber in de tokamen Weken sehn, dat ik dat nich blots so maak, wiel ik'n ol' Fuuljack bün, dat hett ok sien Sinn, dat dat so is as't is.
Dat is al bannig lang her, dor weer ik bi'n Fründ vun unse Familie, de jümmers 'n half Dutzend Katten üm sik harr, un de sünd jümmers bi em na boben op'n Böhn gahn, un hebbt dor Football mit'n ol' Kaakpott speelt. Dat höör sik denn daal inne Stuuv just so an, as wenn he dor boben 'n Boor harr, de dat Hus utnanner nahmt.
Uns egen Katt mach ok geern mal'n beten Larm, dat een ganz gräsig tomoot ward, un dat glöövt ji nich, wat de allens to'n Krach maken bruken kann. As wenn ehr keeneen nienich wat geven dä! Ik glööv, so'n Katt will blots op Nummer Seker gahn, un nich uttodinken, wat se anstellen dä, wenn se so stark as'n Tiger weer - na goot, ik bün mi woll bannig seker, dat denn just datsölve passeert as op düsse Siet. ;)
Kiekt mal woller rin! :)