Author notes

'n lütt Tweschenbild

PaulEberhardt

on Sept. 3, 2014

Dat duert man woller 'n beten mit mi. Deit mi ok leed. Ik hebb aber ok nienich seggt, dat ik elk Week 'n neie Siet hoogladen do - blots, dat ik dat versöken will. Düt mal hebb ik to laat markt, dat ik för de neie Siet veel mehr Teken maken mutt, as ik mi dach - anners passeert mi dat nienich! Na goot, denn bruuk ik eben'n beten mehr Tied, aber dorför kriggt ji denn ok'n ornliche Siet un nich jümmers so'n Smeerkram.
Dat ik keen ornlichen Tekendisch hebb (blots'n ol' Kommod), un dat hier jümmers de Füeralarm ahn Grund pingelt, hett mi dat Leven ok nich licht maakt. Na goot, dat mit den Füeralarm is woller ollreit - dor hebbt wi de Sekern rutnahmen un woller rinpackt, denn hett de bilütten den Snuss halen. Ik glööv dat Ding weer op "Paul will'n Comic teken" instellt, statt op "Rook" oder "Hitt". Schietding!
Na ja, ik hebb nu de Bleestiftteken binah fardig, un wenn ik dat hebb, geit de Rest mannichmal'n beten fixer. Bet dat sowiet is, is hier'n Bild, dat ik vör'n paar Manden blots mit Buntstift maakt hebb, wiel ik mal sehn wull, of ik dat jümmers noch nich lieden mach, wo'n Buntstiftteken op'n Bildschirm lett.
För de Lüe de Engelsch könnt, de könnt sik mal bi den neien "Quackcast" rinhören. Dor is een, de maakt jümmers'n beten Musik, de vun'n Comic inspireert is, dat he sik utsöökt, un düt Mal is dat mien ween: http://www.theduckwebcomics.com/quackcast/episode-182-biggest-mistakes-made-in-starting-a-webcomic/
Kiekt mal woller rin!