Author notes

Frohe Wiehnachten!

PaulEberhardt

on Dec. 20, 2014

[p]Moin Lüe!! Dat gifft mi noch, ok wenn ik man lang nix mehr maakt hebbt. Ik kiek just op dat Johr 2014 torüch, un wat ik dor so tekent hebb, un ik mutt seggen, ik bün froh, dat't bilütten vörbi is! ik weet nich wi dat bi jo all weer, aber mi hebbt de woll'n bruukt Johr andreiht - dor hett rein gor nix funkschoneert. Na, tominnst hebb ik dat noch henkregen dat Gundi, Tiger un ik jo'n frohe Wiehnacht un'n goten Rutsch in't neie Johr wünschen kann. Schön Dank ok an all de, de mannichmal hier noch rinkiekt. Kiekt ok wieter rin, denn dat Comic will ik tokamen Johr wietermaken, egal wat de Dübel denn woller för mi praat hett.[/p]
[p]Oh richtig! Ik wünsch mi butendem noch, dat dat wat ik hier tekent hebb keeneen vun jo wohraftig passeert. Bi us is dat dat man. Blots goot dat dat nu woller so veel Johr wech is! Binnen in'n Hus maakt'n ordigen Bolz sowat nich, aber wenn'n sien Baam 'n Week vör Wiehnachten köfft un buten stahn lett, dat de Nadeln dor tominnst bet Hilligavend an blifft, denn schall'n sik nich wunnern. Sünnerlich goot is dat, wenn dat freert, denn duert dat'n ganzen Dag, bet dat anfangt na wat to röken. Dat is denn normalwech just bi de Bescheren. Un ik segg noch, Gundi, segg ik: vun dien ol' Bolz kannst noch wat över Sabotasche lehrn. :)[/p]